काठमाडौँ, साउन २४ – नेपाल प्रिमियर लिग (एनपीएल) क्रिकेटको दोस्रो संस्करणका लागि भएको खेलाडी अक्सनमा ए क्याटेगरीका चार खेलाडी सबैभन्दा महँगो, अर्थात् १५ लाख रुपैयाँमा अनुबन्ध भएका छन्।
सबभन्दा पहिला देव खनाललाई चितवन राइनोज र लुम्बिनी लायन्सले समानरूपमा चाहेका थिए, अन्त्यतः लक्की ड्रमा चितवन राइनोज विजयी भइदेवलाई अनुबन्ध गर्न सफल भयो। अर्जुन साउदमाथि पनि चितवन, विराटनगर किङ्स र कर्णाली याक्सले उच्च बोली लगाए, तर यो पटक पनि चितवन भाग्यमानी रहियो।
पहिलो सिजनमा चोटका कारण अक्सनबाट बाहिर परेका पवन सर्राफलाई चार टोलीले समान रूपमा १५ लाख रुपैयाँसम्म बोली लगाए। तर लक्की ड्रमा कर्णाली याक्सले उनलाई अनुबन्ध गर्यो।
सबैभन्दा धेरै चर्चा र प्रतीक्षा हुने आदिल आलमलाई ८ वटै टोलीले बोली लगाए। न्यूनतम १० लाख रुपैयाँमा सुरु भएको बोली १५ लाखसम्म पुगेपछि लक्की ड्रमा काठमाण्डु गोर्खाज विजयी भई उनलाई अनुबन्ध गर्यो।
त्यसैगरी, उक्त क्याटेगरीका दिलिप नाथ र सूर्य तामाङ क्रमशः १० लाख रुपैयाँबाट लुम्बिनी लायन्स र विराटनगर किङ्समा अनुबन्ध भएका छन्।
अहिले समेत कतिपय टोलीले आफ्नो टोलीको स्लट पूरा गर्न बाँकी छ र विश लिस्टबाट थप खेलाडी छनोट गर्ने प्रक्रिया जारी छ। हालसम्म २६ खेलाडी यस अक्सनबाट अनुबन्ध भइसकेका छन्।
यो अक्सनले एनपीएल क्रिकेटमा प्रतिस्पर्धात्मक र आकर्षक वातावरण सिर्जना गरेको छ र आगामी खेलहरूमा उत्कृष्ट खेल प्रदर्शन हुने अपेक्षा गरिएको छ।
