काठमाडौं, भदौ १३ — अस्वस्थ जीवनशैली र खानपानका कारण पेट क्यान्सरको जोखिम बढ्दै गएको छ। प्रायः मानिसहरूले लामो समयसम्म एसिडिटी, अमिलो डकार वा छाती पोल्ने समस्यालाई सामान्य ठान्छन्, तर यी लक्षणहरू लगातार रहँदा पेट क्यान्सरको सुरुवाती संकेत हुन सक्छ।
क्लीभल्यान्ड क्लिनिकका अनुसार, पेटको लाइनिङका कोषहरू असामान्य रूपमा बढ्दा पेट क्यान्सर सुरु हुन्छ र प्रायः भित्री तहबाट फैलेर ट्युमर बनेर लिभर, प्यान्क्रियाज जस्ता अंगसम्म पुग्न सक्छ। विशेष गरी ६५ वर्षभन्दा माथिका व्यक्तिहरू, पुरुष, र परिवारमा पेट क्यान्सरको इतिहास भएकाहरू बढी जोखिममा छन्।
पेट क्यान्सरका लक्षणमा भोक कम लाग्नु, अचानक तौल घट्नु, खानेकुरा निगल्न गाह्रो हुनु, लगातार थकाइ वा कमजोरी, वाकवाकी वा बान्ता, हार्टबर्न, पेट भारी महसुस हुनु, कालो रगत मिसिएको दिसा, र रगतसहितको बान्ता समावेश छन्।
पेट क्यान्सरको जोखिम बढाउने कारकहरूमा अस्वस्थ खानपान, धेरै नुन र तैलीय परिकारको सेवन, धूम्रपान, मदिरा सेवन, मोटोपना, परिवारमा क्यान्सरको इतिहास, र विशेष ब्याक्टेरिया संक्रमणहरू जस्तै एच. पाइलोरी संक्रमण पर्दछन्। यस रोगको जोखिम कम गर्न स्वस्थ जीवनशैली अपनाउनु, खानामा ध्यान दिनु, धूम्रपान र मदिरा छोड्नु, र नियमित व्यायाम गर्नु आवश्यक हुन्छ।
पेट क्यान्सरको जोखिम घटाउनका लागि स्वस्थ खानपान, अत्यधिक नुन र तेलीयुक्त परिकारको सीमित सेवन, फलफूल तथा तरकारीको पर्याप्त मात्रा, धूम्रपान र मदिरा त्याग, नियमित व्यायाम, र तौल नियन्त्रण गर्नु महत्वपूर्ण छ। डाक्टरको सल्लाह लिनु जीवनरक्षक सावधानीको रूपमा अत्यावश्यक हुन्छ।
