२० साउन, काठमाडौं — राष्ट्रिय परीक्षा बोर्डले कक्षा १२ का विद्यार्थीका लागि मौका (पूरक) परीक्षाको तालिका सार्वजनिक गरेको छ। गत वैशाखमा सम्पन्न वार्षिक परीक्षामा दुई विषयसम्म ‘नन ग्रेडेड’ पाएका वा ती विषयमा अनुपस्थित भएका विद्यार्थीहरूलाई लक्षित गरी परीक्षा सञ्चालन हुने भएको हो।
परीक्षा भदौ २८ र २९ गते सञ्चालन हुनेछ र बिहान ११:०० बजेबाट दिउँसो २:०० बजेसम्म हुने जनाइएको छ। परीक्षा नियन्त्रण कार्यालय, सानोठिमी, भक्तपुरबाट प्रकाशित सूचनामा परीक्षाको तालिका र आवेदन प्रक्रिया समेत खुलाइएको छ।
विद्यार्थीहरूले निर्धारित मितिमा आफ्नो विषयअनुसारका परीक्षा दिन सक्नेछन् र यसले उनीहरूलाई शैक्षिक क्षेत्रमा अघि बढ्न पुनः अवसर दिनेछ।
