काठमाडौँ, साउन २८ – कक्षा ९ को अनिवार्य नेपाली पाठ्यपुस्तकमा रहेको पाठ ५ को पृष्ठ ५४ मा रहेको “बोध र अभिव्यक्ति” खण्डको अभ्यास १३ मा समावेश गीत “यसपाली त मनै फाट्यो केले सिउने केले टाल्ने…” को रचनाकारको नाममा भएको त्रुटि सच्याइएको छ।
यसअघि सो गीतको रचनाकार अम्बर गुरुङ भनेर उल्लेख गरिएको थियो, तर आधिकारिक अनुसन्धान पछि पुष्टि भएको छ कि उक्त गीतको वास्तविक रचनाकार राजेन्द्र थापा हुन्।
पाठ्यक्रम विकास केन्द्रले यो त्रुटि सच्याएर नयाँ संस्करण तयार पारेको छ र सम्बन्धित शिक्षण संस्थाहरुमा अद्यावधिक तथ्य अनुसार शिक्षण सिकाइ क्रियाकलाप गर्न आग्रह गरेको छ। यसले पाठ्यपुस्तकमा भएका गलत जानकारीलाई सुधारेर विद्यार्थिहरूका लागि यथार्थ जानकारी सुनिश्चित गर्ने उद्देश्य राखेको छ।
यो सच्याइ सामाजिक सञ्जालमा भएका विरोध र वास्तविक तथ्यको खोजी पश्चात गरिएको थियो, जसले पाठ्यक्रम विकासमा पारदर्शिता र सचेतनालाई प्रगाढ बनाएको छ।
