काठमाडौं, असार ३१ – नेपाली फिल्म ‘जनै हराएको मान्छे : सम्बन्धका धागाहरू’ को टिजर सार्वजनिक भएको छ। टिजरमा मुख्य पात्रको कोरिया जाने सपना र त्यससँग गाँसिएका पारिवारिक तथा सामाजिक सम्बन्धहरूलाई भावनात्मक ढंगमा प्रस्तुत गरिएको छ।
फिल्ममा विजय बराल, केकी अधिकारी, मिरुना मगर, सुशांक मैनाली र भोलाराज सापकोटा मुख्य भूमिकामा छन्। निर्देशन हिमाल न्यौपानेले गरेका छन् भने कथा भानुभक्त ढकालले लेखेका हुन्।
पेपरक्लिप ब्यानर अन्तर्गत निर्माण भएको यस फिल्मका निर्माता कमल र विमल न्यौपाने हुन्। संगीतमा थानेश्वर गौतम, अर्जुन पोखरेल, एसडी योगी र प्रशान्त सिवाकोटीले काम गरेका छन्। नवीन गुरुङको छायांकन रहेको फिल्मलाई गोविन्द शाहीको काफिया फिल्म्स ले वितरण गर्नेछ।
फिल्म भदौ ६ गतेदेखि देशभर प्रदर्शनमा आउने तयारीमा छ। टिजरले आम नेपाली युवाको वैदेशिक रोजगारीप्रतिको आकांक्षा र त्यसले पारिवारिक सम्बन्धमा पार्ने प्रभाव झल्काउँछ।
