२४ भदौ, काठमाडौं । जेन–जी प्रदर्शनकारीहरूले काठमाडौंको बानेश्वरस्थित संसद् भवनमा आगजनी गरेका छन्। आक्रोशित प्रदर्शनकारीहरूको भीडले संसद भवनको मुख्य भागमा आगो लगाएको प्रहरी स्रोतले जानकारी दिएको छ।
यसअघि, प्रदर्शनकारीहरूले सिंहदरबारको मुख्य गेटमा पनि आगजनी गरेका थिए। प्रदर्शनका क्रममा उनीहरूले सरकारी कार्यालयहरू र प्रमुख नेताहरूका निवासमा व्यापक तोडफोड र आगजनी गरेका छन्।
सरकारको दमन र सामाजिक सञ्जालमा प्रतिबन्धको विरोधमा सुरु भएको जेन–जी आन्दोलन देशका विभिन्न भागमा फैलिँदै गर्दा आक्रोशित प्रदर्शनकारीहरूले यस्तो कदम उठाएका हुन्। सुरक्षा निकायहरूले नियन्त्रणमा ल्याउने प्रयास गरिरहेको भए पनि केही क्षेत्रमा स्थिति तनावपूर्ण नै छ।
