काठमाडौं, भदौ २३ । राजधानीमा जारी जेनजी आन्दोलन कभरेज गर्ने क्रममा चार पत्रकार घाइते भएका छन्।
सुरक्षाकर्मीले भीड नियन्त्रणका लागि प्रयोग गरेको छर्रा र रबरको गोली पत्रकारहरुलाई लागेको हो। घाइते हुनेमध्ये कान्तिपुर टेलिभिजनका भिडियो पत्रकार श्याम श्रेष्ठ, नयाँ पत्रिका दैनिकका फोटो पत्रकार दिपेन्द्र ढुंगाना, नेपालप्रेस डटकमका फोटो पत्रकार उमेश कार्की र पत्रकार शम्भु दंगाल रहेका छन्।
घाइते दंगालको त्रिवि शिक्षण अस्पतालस्थित ट्रमा सेन्टरमा उपचार भइरहेको छ भने अन्य तीन जनाको सिभिल अस्पतालमा उपचार भइरहेको छ।
सरकारले सामाजिक सञ्जाल बन्द गरेको निर्णयविरुद्ध सुरु भएको जेनजी आन्दोलनमा सोमबार राजधानीका विभिन्न स्थानमा प्रदर्शन भएको थियो। प्रदर्शन नियन्त्रणका क्रममा प्रहरीले गोली चलाउँदा अहिलेसम्म १४ जनाले ज्यान गुमाएका छन् भने सयभन्दा बढी घाइते भएका छन्।
