काठमाडौं, २३ भदौ – काठमाडौंमा भएको जेनजी प्रदर्शनमा मृत्यु हुनेको संख्या १७ पुगेको छ। ट्रमा सेन्टरमा थप दुई जनाको मृत्यु भएको अस्पताल स्रोतले जनाएको छ। ट्रमा सेन्टरमा हालसम्म ९ जनाको मृत्यु भइसकेको छ।
सोमबारदेखि जारी हिंसात्मक प्रदर्शनमा सामाजिक सञ्जाल बन्दको विरोधमा उत्रिएका जेनजीहरूले विभिन्न स्थानमा घाइते भएका थिए। गम्भीर घाइतेहरूलाई उपत्यकाका प्रमुख अस्पतालहरूमा उपचारका लागि पठाइएको थियो।
सिभिल अस्पतालमा ३, केएमसी अस्पतालमा १, त्रिवि शिक्षण अस्पतालमा १ र एभरेष्ट अस्पतालमा ३ जनाको मृत्यु भइसकेको छ। यसरी कुल १७ जनाको ज्यान गएको पुष्टि भएको छ। अस्पताल स्रोतका अनुसार घाइतेहरूको अवस्था अझै गम्भीर रहेको छ र उपचार कार्य जारी छ।
