काठमाडौँ, भदौ २९ – जेनजी आन्दोलनका क्रममा ज्यान गुमाउनेको संख्या ७२ पुगेको छ। प्रधानमन्त्री सुशीला कार्कीले पदभार ग्रहण समारोहमा मुख्यसचिव एकनारायण अर्यालले दिएको तथ्याङ्कअनुसार मृतकमध्ये ५९ जना प्रदर्शनकारी, १० जना कैदीबन्दी र ३ जना सुरक्षाकर्मी रहेका छन्।
त्यसैगरी आन्दोलनमा करिब दुई सय जना घाइते भएका छन्। आधिकारिक विवरणअनुसार १३४ जना प्रदर्शनकारी र ५७ जना सुरक्षाकर्मी हाल विभिन्न अस्पतालमा उपचाररत छन्। उनीहरूको स्वास्थ्य अवस्था भिन्न–भिन्न रहेको जनाइएको छ।
सरकारले घाइतेहरूको सम्पूर्ण उपचार खर्च बेहोर्ने र मृतकलाई ‘शहीद’ घोषणा गर्ने निर्णय गरेको छ। साथै मृतकका परिवारलाई आर्थिक सहायतास्वरूप जनही १० लाख रुपैयाँ दिने व्यवस्था गरिएको पनि जानकारी दिइएको छ।
