काठमाडौँ, साउन २८ – फिल्म ‘रिमै’को शीर्ष गीत हालै सार्वजनिक भएको छ। गीतमा दयाहाङ राई, रिश्मा गुरुङ, अर्पण थापा र गौमाया गुरुङको प्रस्तुती छ। संगीत र शब्द दीपक शर्माले तयार गरेका छन् भने स्वरमा रीता केसी र अंशु लामाको आवाज सुन्न पाइन्छ।
खिलबहादुर गुरुङ निर्देशित फिल्म गोरखा सिरानचोक एण्ड लिगलिगकोट फिल्म्स प्रालीद्वारा निर्माण गरिएको हो। पटकथा उपेन्द्र सुब्बाले लेखेका हुन्। गुरुङ परिवेशमा आधारित गीतको अडियो र भिडियोले दर्शकलाई आकर्षित गर्ने अपेक्षा गरिएको छ।
यो फिल्ममा दयाहाङ र रिश्माको लामो समयपछि सहकार्य भएको हो। उनीहरूले यसअघि ‘कबड्डी’ श्रृंखलामा जोडीको रूपमा काम गरेका थिए। फिल्मको कार्यकारी निर्माता वीरवल घले हुन् भने टीका गुरुङ, जित यात्री गुरुङ र दुन बहादुर घले निर्माता, बिनु गुरुङ, रोशन भट्टराई र राजेश घिमिरे सह–निर्माताको रूपमा संलग्न छन्।
