काठमाडौं, साउन २ — लोकप्रिय गायिका एलिना चौहानले आफ्नो अनुहारमा लागेको चोट देखिने तस्बिर सार्वजनिक गर्दै, न्यायका लागि अगाडि बढ्ने निर्णय गरेकी छन्। सामाजिक सञ्जालमार्फत उनले लेखेकी छन्, “सत्य मेरो साथमा छ, म कानुनी, सामाजिक र नैतिक बाटो समाउँदै न्याय खोज्नेछु।”
यो तस्बिर ९ जुन २०२४ मा खिचिएको देखिन्छ। एलिनाले यो कदम विष्णु सापकोटाले विज्ञप्ति जारी गरेपछि चालेकी हुन्।
छ महिनाअघि काठमाडौं जिल्ला अदालतमा यी दुईको सम्बन्धविच्छेद भएको थियो। तर डिभोर्सपछि पनि उनीहरूको विवाद मिडियामा नियमित आइरहेको छ।
यसअघि एलिनाले सार्वजनिक रूपमा आफूमाथि पूर्वपतिको कुटपिट भएको दाबी गरेकी थिइन्। तर उनी पहिलोपटक प्रमाणस्वरूप चोटपटकको तस्बिर सार्वजनिक गरेकी हुन्।
पूर्वपति सापकोटाले भने आफू अस्ट्रेलिया र नेपालमा कानुनी प्रक्रिया अघि बढाइरहेको बताएका छन्। एलिनाले यसको जवाफस्वरूप चोट देखिने तस्बिर सार्वजनिक गरेपछि यो प्रकरण झन् चर्किएको छ।
अब यो विवाद अझै कता मोड लिन्छ भन्ने विषयमा चासो बढेको छ।
