काठमाडौं, जेठ २६ — बलिउड सुपरस्टार अक्षय कुमार अभिनीत फिल्म ‘हाउसफूल ५’ले रिलिजको तेस्रो दिनमा ३५ करोड रुपैयाँ आम्दानी गरेको छ। यसरी, फिल्मको तीन दिनको कुल कलेक्सन ९१ करोड रुपैयाँभन्दा बढी पुगेको छ। पहिलो दिन फिल्मले २४ करोड र दोस्रो दिन ३२ करोड रुपैयाँ कमाएको थियो।
यस शृंखलाका अघिल्ला भागहरू लोकप्रिय भएका कारण ‘हाउसफूल ५’ दर्शकहरू माझ निकै प्रतिक्षित थियो। कमेडी विधामा आधारित यो फिल्म सन् २०२५ मा सबैभन्दा धेरै कमाइ गर्ने बलिउड फिल्महरूको सूचीमा शीर्ष स्थानमा पुग्ने सम्भावना रहेको विश्लेषकहरूले बताएका छन्।
फिल्मको अर्को विशेषता भनेको यसपटक निर्माण टिमले दुई फरक क्लाइमेक्ससहित फिल्म रिलिज गरेको हो, जसले दर्शकहरूमा थप उत्सुकता र चर्चा सिर्जना गरेको छ।
फिल्ममा अक्षय कुमारसँगै अभिषेक बच्चन, नरगिस फाखरी, ज्याकलिन फर्नान्डिज, रितेश देशमुख, संजय दत्त, ज्याकी श्राफ लगायत १९ जना कलाकारहरूले मुख्य भूमिका निर्वाह गरेका छन्। ‘हाउसफूल ५’ पाँच हजारभन्दा बढी स्क्रिनमा प्रदर्शन गरिएको छ, जसले यसको व्यापक व्यापारमा सहयोग पुर्याएको हो।
