काठमाडौं, भदौ २२ – नेपाली कांग्रेसका सभापति शेरबहादुर देउवाले शनिबार सामाजिक सञ्जालमा गरेको पोस्टलाई लिएर काठमाडौं महानगर प्रमुख बालेन शाहले व्यङ्ग्यात्मक प्रतिक्रिया जनाएका छन्।
देउवाले सुनसरीको भोक्राहा नरसिंहा गाउँपालिकामा आयोजित नेपाल उराँव संघको स्थापना दिवस तथा करम पूजा कार्यक्रममा सहभागी भएर सम्बोधन गरेको जानकारी फेसबुकमार्फत तस्वीरसहित सार्वजनिक गरेका थिए।
उक्त पोस्टमा बालेनले टिप्पणी गर्दै सोधे, “यो पोस्ट कुन भीपीएनबाट हो, नेपाली हो कि विदेशी?” साथै उनले थपे, “सारै गाह्रो हुने रहेछ भीपीएनबाट चलाउन त!”
बालेनको यस प्रकारको टिप्पणी सार्वजनिक भएपछि देउवाको पोस्टमा इन्गेजमेन्ट तीव्र रूपमा बढेको छ।
यो विवादले सामाजिक सञ्जालमा चर्चा उब्जाएको छ जहाँ राजनीतिक व्यक्तिहरू बीचको सटिक व्यंग्य र प्रतिक्रिया देखिएको छ।
