१ असोज, काठमाडौं । ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकास मन्त्री कुलमान घिसिङ आज बिहान ललितपुर पुगेका छन् । उनले जेनजी आन्दोलनका क्रममा शहीद भएका विनोद महर्जनको घरमा पुगेर श्रद्धाञ्जली अर्पण गरेका हुन् ।
मन्त्री घिसिङले महर्जनको परिवारसँग भेट गर्दै गहिरो समवेदना प्रकट गरेका थिए । सो अवसरमा उनले महर्जनको बलिदानलाई राष्ट्रकै परिवर्तन र न्यायका लागि भएको भन्दै सम्मानपूर्वक स्मरण गर्नुपर्ने धारणा राखे ।
उनले सरकार शहीदका परिवारलाई साथ दिने र आन्दोलनमा प्राण गुमाउने नागरिकको योगदानलाई स्मरणीय बनाउनेतर्फ ध्यान दिने प्रतिबद्धता पनि व्यक्त गरे ।
