काठमाडौं, भदौ १२ — सरकारले ल्याएको विद्यालय शिक्षा विधेयकविरुद्ध निजी विद्यालय सञ्चालकहरूले चरणबद्ध आन्दोलन तीव्र पारेका छन्। उनीहरूले भदौ १८ सम्म माग सम्बोधन नभए अनिश्चितकालीन विद्यालय बन्द गर्ने चेतावनी दिएका छन्।
प्याब्सन, एनप्याब्सन, हिसान र अपेनलगायतका संगठनहरूले देशभर एउटै तालिकाअनुसार कार्यक्रम सार्वजनिक गरेका छन्।
आन्दोलनका मुख्य कार्यक्रमहरू
- भदौ १२ : देशभरका जिल्ला सदरमुकाममा बिहान ११ बजे विरोधसभा हुने। काठमाडौं उपत्यकामा भने माइतीघर मण्डलाबाट सुरु हुने याली कोण सभामा परिणत हुनेछ।
- भदौ १४–१५ : आन्दोलनलाई थप प्रभावकारी बनाउन संस्थागत स्तरमा तयारी बैठक आयोजना।
- भदौ १६ : बिहान ११ बजेबाट विद्यालय बसमा कालोझण्डा र ब्यानरसहित देशभर प्रदर्शन। काठमाडौंमा २७ किलोमिटर चक्रपथ परिक्रमा गर्ने र जिल्लामा भने निर्धारित गतिमा नगर परिक्रमा गर्ने योजना। यसमा विद्यालय सञ्चालक, प्रिन्सिपल र पदाधिकारीहरूको अनिवार्य सहभागिता रहनेछ।
- भदौ १७ : आन्दोलनको प्रगतिबारे समीक्षा तथा थप रणनीति तय गर्ने तयारी बैठक।
- भदौ १८ : सबै जिल्लामा विशाल खबरदारी सभा, काठमाडौंमा पुनः माइतीघर मण्डलाबाट विरोध याली सुरु भई कोण सभामा परिणत हुने।
बन्दको चेतावनी
सञ्चालक संघहरूको भनाइमा, “भदौ १८ सम्म सरकारले माग सम्बोधन नगरेको खण्डमा, बाध्य भएर विद्यालय बन्दको घोषणा गर्ने स्थिति आउन सक्छ।”
उनका अनुसार, विधेयकमा रहेका गैरनाफामूलक प्रावधान र पूर्ण छात्रवृत्ति व्यवस्था संशोधन नगरेसम्म संघर्ष जारी रहनेछ।
