काठमाडौं, जेठ १९ — गण्डकी प्रदेश सरकारले ल्याएको राइड सेयरिङसम्बन्धी नियमावलीको विरोधमा सार्वजनिक सवारी साधन बन्द गराउने प्रयासमा संलग्न रहेका १४ जना व्यक्तिलाई प्रहरीले पक्राउ गरेको छ। केन्द्रीय प्रहरी प्रवक्ता एसएसपी रमेश थापाका अनुसार, पक्राउ पर्नेहरू मध्ये १२ जना काठमाडौंबाट र २ जना पूर्वी नवलपरासीबाट पक्राउ परेका हुन्।
प्रहरीले उनीहरूविरुद्ध सम्बन्धित जिल्ला प्रहरी कार्यालयबाट आवश्यक अनुसन्धान अगाडि बढाइरहेको जनाएको छ।
यातायात व्यवसायीहरूको आन्दोललाई लिएर विभिन्न राजनीतिक समूहहरूको धारणा विभाजित देखिएको छ। राजावादी समूहका नेता नवराज सुवेदीले सोमबारका लागि बन्दको आह्वान गरेका थिए, तर राप्रपाका अध्यक्ष राजेन्द्र लिङ्देनले भने आफ्नो पार्टीको समर्थन नभएको स्पष्ट पारेका छन्।
यसअघि बन्दको सन्दर्भमा पक्राउ परेका नेताहरू कमल थापा र दीपक सिंह आइतबार साँझ नै रिहा भइसकेका छन्। बन्दका कारण काठमाडौं उपत्यकासहित विभिन्न क्षेत्रमा यातायात प्रभावित बनेको छ भने सर्वसाधारणलाई दैनिक यात्रा गर्न समस्या भएको छ।
