काठमाडौँ, साउन २६ – रुपन्देहीस्थित कारागारको अनुगमनपछि राष्ट्रिय मानवअधिकार आयोगले रास्वपा अध्यक्ष रवि लामिछानेलाई राखिएको कोठामा आधारभूत सुविधा नपाएको तथ्य सार्वजनिक गरेको छ। आयोगका प्रतिनिधिहरूका अनुसार कोठामा वातानुकूलन (एसी) छैन र झ्याल प्लाईउडले छोपेर बन्द गरिएको छ, जसका कारण हावा सहजै पास हुने अवस्था छैन।
आयोगकी प्रवक्ता लिली थापाले कारागारमा क्षमताभन्दा धेरै कैदीबन्दी रहेका र पर्याप्त शौचालय सुविधा नहुनुका साथै विद्यमान शौचालयहरूको अवस्था पनि कमजोर भएको बताइन्। उनका अनुसार रविको कोठामा एउटा सामान्य चाइनिज पंखा र अर्को पार्टी प्यालेसमा प्रयोग हुने ठूलो पंखा मात्र राखिएको छ।
जेल प्रशासनले सुरक्षा कारण देखाउँदै झ्याल टालिएको स्पष्टीकरण दिएको छ। तर आयोगको आग्रहपछि झ्याल खोल्न प्रशासन सहमत भएको पनि प्रवक्ता थापाले जानकारी दिइन्।
