काठमाडौँ, भदौ ३० – नवनियुक्त अर्थमन्त्री रामेश्वर खनालले सोमबार औपचारिक रूपमा पदभार सम्हालेका छन्। राष्ट्रपति निवास शीतलनिवासमा शपथ ग्रहण गरेलगत्तै उनी सिंहदरबार पुगेका थिए।
प्रधानमन्त्री सुशीला कार्कीले खनालसहित तीन मन्त्रीलाई मन्त्रिपरिषद्मा समावेश गरेकी थिइन्। विशेष समारोहमा शपथ ग्रहणपछि खनालले तत्काल मन्त्रालयमा उपस्थित भई आफ्नो कार्यकाल सुरु गरेका हुन्।
यसैगरी, कुलमान घिसिङलाई ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकास मन्त्रालयको जिम्मेवारी दिइएको छ। नयाँ मन्त्रीहरूले तत्काल प्रशासनिक कार्यलाई गतिशील बनाउने तयारी थालेका छन्।
