काठमाडौं, साउन ६ — फिल्म ‘रिमै’ को टिजर सार्वजनिक भएको छ, जसले रहस्यमय, रोमाञ्चक र भावनात्मक कथाको संकेत दिएको छ। खिल बहादुर गुरुङ निर्देशित यो फिल्म भदौ २० गतेदेखि देशव्यापी प्रदर्शनमा आउने छ। टिजरमा ग्रामीण संस्कृतिको झल्को, प्रेम, पीडा र बदला समेटिएको छ।
फिल्ममा दयाहाङ राई, रिश्मा गुरुङ, अर्पण थापा र बुद्धि तामाङ लगायतका कलाकारहरूको अभिनय देख्न सकिन्छ। यसका साथै गौमाया गुरुङ, कविता आले मगर, माओत्से गुरुङ लगायत थुप्रै कलाकारहरूले पनि योगदान दिएका छन्।
फिल्मको कथा उपेन्द्र सुब्बाले लेखेका हुन् भने शैलेन्द्र ध्वज कार्कीले छायांकन गरेका छन्। दीपक शर्मा र थानेश्वर गौतमले संगीत दिएका छन् भने मित्र डि गुरुङले सम्पादन गरेका छन्।
‘रिमै’ को निर्माण गोरखा सिरानचोक एण्ड लिगलिगकोट फिल्मस् प्रालि र रोटेपिङ इन्टरटेन्मेन्टले संयुक्त रूपमा गरेका हुन्। फिल्मले दर्शकलाई एक गहिरो अनुभव दिने अपेक्षा गरिएको छ।
