काठमाडौं, असार १४ — प्रतिनिधि सभाको आजको बैठकमा पनि राष्ट्रिय स्वतन्त्र पार्टी (रास्वपा) ले अवरोध जारी राखेको छ। बैठक सुरु भएलगत्तै रास्वपाका सांसदहरू उठेर विरोध जनाएका थिए।
सभामुखले समय दिएपछि रास्वपाका सांसद गणेश पराजुलीले भिजिट भिसा प्रकरणको छानबिनका लागि उच्च स्तरीय न्यायिक आयोग गठन गर्नुपर्ने माग दोहोर्याए। यही माग राख्दै रास्वपाले जेठ १३ गतेदेखि लगातार संसद् अवरुद्ध गर्दै आएको छ।
रास्वपाले भिजिट भिसा प्रकरणमा निष्पक्ष छानबिन र दोषीमाथि कारबाहीको माग गर्दै संसदमा दबाब दिँदै आएको छ।
