काठमाडौं, २१ असार — नेपाल प्रिमियर लिग (एनपीएल) को दोस्रो संस्करणका लागि विराटनगर किङ्सले आफ्नो रिटेन्सन लिस्ट सार्वजनिक गरेको छ। विराटनगरले मार्की खेलाडी सन्दीप लामिछानेसहित कुल ६ खेलाडीलाई रिटेन गरेको छ।
रिटेन भएका खेलाडीहरूमा सन्दीप लामिछाने, लोकेश बम, प्रतिश जिसी, बसिर अहमद, नरेन भट्ट र सुवास भण्डारी रहेका छन्। सन्दीप लामिछानेलाई विराटनगरले दोस्रो सिजन पनि मार्की खेलाडीको रूपमा निरन्तरता दिने घोषणा गरिसकेको थियो। सन्दीप पहिलो सिजन विराटनगरको कप्तान थिए।
पहिलो सिजन विराटनगरको प्रदर्शन अपेक्षाकृत कमजोर रह्यो, जहाँ उनीहरूले ७ खेलमा मात्र २ जित हात पारेका थिए र ८ टिममध्ये सातौं स्थानमा रहे।
एनपीएलको नियमअनुसार, मार्की खेलाडीबाहेक प्रत्येक टिमले ६ खेलाडी रिटेन गर्न पाउने प्रावधान छ। यसैगरी सबै ८ टिमले आफ्नो रिटेन्सन लिस्ट सार्वजनिक गरिसकेका छन्। आगामी अगस्टमा दोस्रो सिजनका लागि मिनी अक्सन पनि आयोजना गरिनेछ।
