काठमाडौं, साउन १४ — नेकपा माओवादी केन्द्रले साउन १६ गते शुक्रबारबाट सुरु हुने स्थायी कमिटी बैठकको एजेन्डा तय गरेको छ। पार्टीको पदाधिकारी बैठक बुधबार पार्टी कार्यालय पेरिसडाँंडामा बसेर यो निर्णय गरेको हो।
बैठकको एजेन्डामा मुख्य रूपमा वर्तमान राजनीतिक परिस्थितिबारे पार्टी हेडक्वार्टरबाट ब्रिफिङ, पोखरामा रोकिएको पार्टी अभियानलाई निरन्तरता दिने विषय, आन्तरिक एकता बलियो बनाउने, समाजवादी मोर्चा सम्बन्धी छलफल लगायत रहेका छन्।
त्यसपछि स्थायी कमिटी बैठकमा केन्द्रीय कमिटी बैठकको मिति तय गर्ने पनि एजेन्डामा समावेश छ। साथै संगठन निर्माण, नेताहरूको कार्यविभाजन र समसामयीक प्रस्ताव पारित गर्ने विषयमा पनि छलफल हुने प्रवक्ता अग्नि सापकोटाले जानकारी दिएका छन्।
यसरी, स्थायी कमिटी बैठकमा पार्टीको रणनीति, आन्तरिक संगठन सुदृढीकरण र आगामी राजनीतिक गतिविधिहरूलाई प्राथमिकतामा राखेर छलफल गर्ने तयारी भएको छ।
