काठमाडौं, भदौ ५ – नेपाली बजारमा बिहीबार सुन र चाँदी दुबैको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार सुन प्रतितोला १ लाख ९४ हजार ८ सय रुपैयाँ पुगेको छ, जुन अघिल्लो दिनको तुलनामा १३ सय रुपैयाँले बढी हो।
महासंघले अघिल्लो दिन सुनको मूल्य १ लाख ९३ हजार ५ सय रुपैयाँ तोकेको थियो। लगातार बढ्दो अन्तर्राष्ट्रिय बजार मूल्यले यसको असर नेपालमा पनि देखिएको व्यवसायीहरूले बताएका छन्।
चाँदीको मूल्य पनि बढेको छ। अघिल्लो दिन तोलामा २ हजार २५५ रुपैयाँमा कारोबार भएको चाँदी बिहीबार ३५ रुपैयाँले बढेर २ हजार २९० रुपैयाँमा पुगेको छ।
बजार विश्लेषकहरूको भनाइमा, अन्तर्राष्ट्रिय आर्थिक उतारचढाव, सुरक्षित लगानीतर्फको आकर्षण र अमेरिकी डलरको भाउमा आएको उतारचढावले सुनचाँदीको मूल्यमा प्रत्यक्ष प्रभाव पारिरहेको छ।
