२९ जेठ,काठमाडौं – साताको अन्तिम कारोबार दिन नेप्से परिसूचक ९.०८ अंकले घटेर २६५५ मा कायम भएको छ। यद्यपि, कारोबार रकम भने अघिल्लो दिनको ९ अर्ब ९० करोड रुपैयाँबाट बढेर १२ अर्ब ५१ करोड रुपैयाँ पुगेको छ।
आज ९९ कम्पनीको सेयर मूल्य बढ्दा १४९ कम्पनीको मूल्य घटेको छ। होटल तथा पर्यटन समूहमा २.१४ प्रतिशतको उल्लेख्य वृद्धि देखिएको छ। यसैगरी हाइड्रोपावर समूह ०.२२ र फाइनान्स समूह ०.८९ प्रतिशतले बढेका छन्।
तर बैंकिङ, विकास बैंक, लगानी, जीवन बीमा, उत्पादन तथा प्रशोधन, माइक्रोफाइनान्स, निर्जीवन बीमा, व्यापार लगायतका समूहहरूमा सूचक घटेका छन्। पियोर इनर्जीको सेयर मूल्य १० प्रतिशतले बढेको छ भने चन्द्रागिरि हिल्स र रसुवागढी हाइड्रोपावरले पनि पाँच प्रतिशतभन्दा बढी वृद्धि देखाएका छन्।
यसैबीच, गुराँस लघुवित्त, रिभर फल्स पावर, नेपाल माइक्रो इन्स्योरेन्स र केही बैंकहरूको सेयर मूल्यमा उल्लेख्य गिरावट आएको छ। आज धेरै कारोबार भएका कम्पनीहरूमा ङादी ग्रुप, सानिमा माइ हाइड्रोपावर, राधि विद्युत्, युनिभर्सल पावर र बुटवल पावर रहेका छन्।
