काठमाडौं, असोज ६ — सञ्चार तथा सूचना प्रविधि मन्त्री जगदिश खरेलले पदभार ग्रहण गर्ने वित्तिकै आफ्नो पहिलो निर्णय सार्वजनिक गरेका छन्। उनले घोषणा गरेका अनुसार, आगामी पाँच महिनाभित्र देशका प्रमुख १० शहरका सार्वजनिक स्थानहरूमा निःशुल्क वाइफाइ सेवा उपलब्ध गराइनेछ।
मन्त्री खरेलले राष्ट्रपति कार्यालयमा पद तथा गोपनीयताको शपथ ग्रहण गरेपछि सिंहदरबारस्थित मन्त्रालय पुगेर पदभार ग्रहण गरेका थिए। उनको यो पहलले नागरिक र आगन्तुकहरूलाई सार्वजनिक स्थानमा इन्टरनेट पहुँच सहज हुने अपेक्षा गरिएको छ।
यो निर्णयसँगै देशमा डिजिटल पहुँच बढाउने र सूचना प्रविधिको विकासमा गति थप्ने लक्ष्य राखिएको छ। खरेलले यसको लागि आवश्यक पूर्वाधार विकास र व्यवस्थापनमा प्राथमिकता दिइने पनि बताएका छन्।
