काठमाडौं, भदौ २४ — अखिल नेपाल राष्ट्रिय स्वतन्त्र युनियन (अनेरास्ववियु) का अध्यक्ष सुजन कडरियाले पदबाट राजीनामा दिएका छन्। सामाजिक सञ्जालमार्फत राजीनामाको घोषणा गदै उनले सरकारद्वारा जेनजीहरूको प्रदर्शनलाई दबाउने प्रयास भइरहेको र यसप्रति विरोध व्यक्त गरे।
कडरियाले आफ्नो पुस्ताले गरेको विद्यार्थी राजनीतिको असफलता महसुस गर्दै अखिल केन्द्रीय समितिको अध्यक्ष पदबाट राजीनामा दिएको बताएका छन्। उनले विद्यार्थी संगठनहरूले आजको विद्यार्थीको हक, अधिकार र जीवन रक्षा गर्न नसकेको गम्भीर आलोचना गरे।
राजीनामा संदेशमा उनले जनताको सेवामा अझै निरन्तर सक्रिय रहने प्रतिबद्धता जनाएका छन् र वर्तमान सरकारले जनताको भावना विपरित आन्दोलन दबाउने प्रयास गरिरहेको हुँदा त्यसको भयावह परिणाम आउने चेतावनी दिएका छन्।
