काठमाडौं, जेठ २६— अमेरिकाबाट डिपोर्टमा परेका ३७ नेपाली मध्ये ३२ पुरुष र ५ महिला मध्यरातमा काठमाडौं आइपुगेका छन्। उनीहरूलाई अमेरिकी अधिकारीहरूले ओम्नी एयर इन्टरनेसनलको चार्टर फ्लाइटमार्फत आइतबार राति फर्काएका हुन्। यसै फ्लाइटमा भारत र बंगलादेशका केही नागरिकहरू पनि फिर्ता पठाइएको थियो।
डिपोर्टमा परेकाहरूलाई त्रिभुवन अन्तर्राष्ट्रिय विमानस्थलमा अध्यागमन अधिकारी र सुरक्षाकर्मीहरूले स्वागत गरी आवश्यक प्रक्रिया पूरा गरेपछि मानव बेचबिखन अनुसन्धान ब्युरोको जिम्मा लगाइएको छ। नेपाल प्रहरीको मानव बेचबिखन अनुसन्धान ब्युरोले उनीहरू कसरी अमेरिका पुगे, किन डिपोर्टमा परे, र यसमा मानव तस्करीको भूमिका छ कि छैन भन्नेबारे सोधपुछ सुरु गरेको छ।
अमेरिकामा कागजातविहीन रूपमा बसेका, भिसा अवधि नाघेका, वा अवैध रूपमा प्रवेश गरेका नेपालीहरू पछिल्लो समय डोनाल्ड ट्रम्पको दोस्रो कार्यकाल सुरु भएयता तीव्र गतिमा डिपोर्टमा परिरहेका छन्। सन् २०२५ को सुरुवातदेखि हालसम्म मात्रै १४० नेपाली अमेरिकाबाट निष्कासनमा परिसकेका छन्।
नेपाल प्रहरीको मानव बेचबिखन अनुसन्धान ब्युरोले ती डिपोर्टमा परेकासँग सोधपुछ गर्ने तयारी थालेको छ। यसअघि पनि ब्युरोले अमेरिका लगायत विभिन्न देशबाट डिपोर्ट भएका नेपालीहरूसँग अनुसन्धान गर्दै आएको थियो। ब्युरोले उनीहरू कसरी अमेरिका पुगे, किन डिपोर्टमा परे र यसमा मानव तस्करीको भूमिका रहेको छ कि भन्ने बारे अनुसन्धान गर्न लागेको जनाएको छ।
