काठमाडौं, असार ९ – चर्चित कन्टेन्ट क्रिएटर तथा अभिनेत्री इभा गिरीले हालै नयाँ नेपाली फिल्म साइन गरेकी छिन्। यद्यपि, उनले उक्त फिल्मको नाम र विवरण औपचारिक रूपमा घोषणा गर्न बाँकी रहेको बताएकी छिन्।
केही समयदेखि चन्द्र पन्तद्वारा निर्देशित फिल्म ‘आबाट आमा’मा इभाले अभिनय गर्ने चर्चा भए पनि उनले यो फिल्मसँग हाल कुनै निश्चित सहमति नभएको प्रस्ट पारिन्। उनले भनेकी छिन्, “मैले एउटा फिल्म साइन गरेकी छु, तर त्यो चन्द्र पन्तको फिल्म होइन। त्यसको घोषणा चाँडै हुनेछ।”
इभा गिरीले यसअघि ‘नमेटिने घाउ’ नामक फिल्मबाट अभिनय यात्रा सुरु गरेकी हुन्। पछिल्लो समय ‘कमेडी नाइट विथ च्याम्पियन्स’ कार्यक्रममा उनले फिल्म डेब्युको चर्चा गरेकी थिइन्।
इभा अहिले डिजिटल मिडिया र सामाजिक सञ्जालमा निकै सक्रिय तथा लोकप्रिय छिन्।
