काठमाडौं, असार १४ — माध्यमिक शिक्षा परीक्षा (एसईई) आगामी शैक्षिक वर्षदेखि प्रदेशस्तरमै सञ्चालन हुने भएको छ। प्रतिनिधिसभाको शिक्षा, स्वास्थ्य तथा सूचना प्रविधि समितिले शनिबार बसेको बैठकमा यसबारे सहमति जुटाउँदै प्रस्ताव पारित गरेको हो।
यसअघि उपसमितिले प्रदेशबाट एसईई सञ्चालन गर्ने विषय हटाएको थियो, तर शिक्षा मन्त्रालयको प्रस्तावमा पुनः छलफल भएपछि समितिले प्रदेशमै परीक्षा सञ्चालन गर्ने निर्णय लिएको हो। अबदेखि राष्ट्रिय परीक्षा बोर्डको समन्वयमा प्रदेश सरकारले एसईई सञ्चालन गर्नेछ।
यो निर्णयसँगै प्रदेश सरकारलाई शिक्षा व्यवस्थापनमा थप अधिकार प्राप्त हुने अपेक्षा गरिएको छ। एसईईको व्यवस्थापन, परीक्षा सञ्चालन र नतिजा प्रकाशनमा प्रदेशको भूमिका महत्वपूर्ण हुनेछ
