२४ भदौ, काठमाडौं। जेनजी आन्दोलनका क्रममा प्रदर्शनकारीहरूले काठमाडौं जिल्ला अदालतमा आगजनी गरेका छन्। उग्र प्रदर्शनमा उत्रिएका उनीहरूले अदालतका महत्वपूर्ण दस्तावेज र कागजात सडकमा फालेर आगो लगाएका हुन्।
सिंहदरबार र सर्वोच्च अदालतमा आगजनी गरेको प्रदर्शनकारीहरूको भीड आज जिल्ला अदालततर्फ पनि केन्द्रित भएको थियो। उनीहरूले सरकारी कार्यालय, नेताहरूका निवास र अन्य प्रशासनिक भवनहरूमा समेत तोडफोड गर्दै हिंसात्मक गतिविधि जारी राखेका छन्।
प्रहरी र सुरक्षा निकायले स्थिति नियन्त्रण गर्ने प्रयास गरिरहेका भए पनि प्रदर्शनकारीहरू अझै सरकारी भवन र कार्यालयहरू खोज्दै आगजनी गरिरहेका छन्।
