काठमाडौं, असोज १ — कोटेश्वरस्थित भाटभटेनी सुपरमार्केटमा डढेर मृत्यु भएको अवस्थामा फेला परेको शवको पहिचान खुलेको छ। जिल्ला प्रहरी परिसर काठमाडौंका एसपी अपिलराज बोहराका अनुसार, मृतक २२ वर्षीय विकास रसाइली हुन्, जो रामेछापको खाँडादेवी गाउँपालिका–६ का स्थायी बासिन्दा हुन्।
शवलाई पोस्टमार्टमका लागि त्रिवि शिक्षण अस्पताल महाराजगञ्ज पठाइएको छ। शरीर पूर्ण रूपमा जलेको अवस्थाका कारण सुरुमा शवको पहिचान गर्न सकिएको थिएन।
यो घटनासँगै हालसम्म जेनजी आन्दोलनको क्रममा मृत्यु हुनेहरूको संख्या ७४ पुगेको छ। यसअघि चुच्चेपाटीको भाटभटेनीमा डढेको अवस्थामा भेटिएका ७ शवलाई पनि पोस्टमार्टमका लागि अस्पताल पठाइएको थियो, तर ती शवको पहिचान अहिलेसम्म खुलिसकेको छैन।
