असार १२, काठमाडौं — अमेरिकाका पूर्वराष्ट्रपति डोनाल्ड ट्रम्पले इरानमाथिको तेल कारोबारमा कडाइ नगर्ने संकेत दिएका छन्। नेदरल्यान्ड्समा आयोजित नाटो सम्मेलनमा बोल्दै उनले इरानले हालैको युद्धमा ठूलो क्षति व्यहोरेको र त्यसबाट उबेलिन तेल बिक्री आवश्यक रहेको बताएका छन्।
ट्रम्पले भने, “इरानले गम्भीर मानवीय र आर्थिक क्षति भोगेको छ। यदि चीन इरानबाट तेल किन्छ भने त्यसमा हामीले रोक लगाउने छैनौं। उनीहरूले आर्थिक स्थायित्वको लागि तेल बेच्न पाउनु पर्छ।”
उनले आगामी साता इरानसँग वार्ता हुने पनि बताए। यसअघि उनले चीनले इरानबाट तेल खरिद गर्न सक्ने र अमेरिकाबाट पनि तेल किन्ने अपेक्षा व्यक्त गरेका थिए। यद्यपि, व्हाइट हाउसका अधिकारीहरूले इरानमाथि लागेका प्रतिबन्धहरू तत्काल हटाइने छैनन् भनी स्पष्ट पारेका छन्। इरान र इजरायलबीच १२ दिनसम्म चलेको युद्धपछि मंगलबार ट्रम्पले युद्धविराम घोषणा गरेका थिए ।
