काठमाडौँ, साउन २९ – नेक्स्ट मोडल्सले आयोजना गरेको डिजिटल अडिसनबाट ‘मिस्टर नेपाल २०२५’ का ३० युवा फाइनलिस्ट चयन भएका छन्। यी प्रतियोगीहरूलाई फिनाले अघि विभिन्न क्षमतामा प्रशिक्षण दिइनेछ, जसमा पौडी, फुटबल, चट्टान आरोहण, समाजसेवा, क्याटवाक, व्यक्तित्व विकास र सार्वजनिक भाषण समावेश छन्।
फिनाले सोल्टी होटलमा १२ सेप्टेम्बरमा आयोजना हुने छ र यसमा तीन विजेता—मिस्टर वल्र्ड नेपाल, मिस्टर ग्लोबल नेपाल र ‘म्यान अफ द वर्ल्ड नेपाल’—घोषित गरिनेछन्।
प्रतियोगिताले मुलुकको आन्तरिक पर्यटन प्रवर्द्धनका लागि पनि विभिन्न गतिविधिहरू सञ्चालन गर्नेछ। प्रतियोगीहरू काठमाडौं, इटहरी, जनकपुर, हेटौडा, चितवन, भैरहवा, धनगढी, पोखरा र नेपालगञ्जबाट छनोट भएका छन्।
