काठमाडौं, भदौ १५ — अखिल नेपाल किसान महासंघअन्तर्गतका दुग्ध उत्पादक किसानहरूले दूध बिक्री वितरण सम्बन्धी समस्याबारे ध्यानाकर्षण गराए पनि पर्याप्त समाधान नपाएपछि डीडीसी कार्यालयमा धर्ना दिएका छन्।
लैनचौरस्थित दुग्ध विकास संस्थान कार्यालय अगाडि भएको प्रदर्शन क्रममा किसान र प्रहरीबीच झडप तथा धकेलाधकेल देखिएको थियो।
किसानहरूले पटक–पटक संस्थान र सम्बन्धित निकायमा दूधको मूल्य भुक्तानी तथा वितरण प्रक्रियामा सुधारको माग राख्दै आएका छन्। तर, उनीहरूको माग अझै सम्बोधन हुन सकेको छैन। प्रदर्शनमा सहभागी किसानहरूले आवश्यक कदम नचालिएको खण्डमा आन्दोलन तीव्र पार्ने चेतावनीसमेत दिएका छन्।
प्रहरीले शान्ति व्यवस्था कायम राख्ने प्रयास गर्दा केही स्थानमा तनाव उत्पन्न भएको थियो। यस घटनामा कुनै गम्भीर चोटपटकको खबर भने आएको छैन।
