नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधव कुमार नेपालबीच बुधबार छलफल भएको छ। भेटमा एकीकृत समाजवादीका वरिष्ठ उपाध्यक्ष राजेन्द्र पाण्डे, नेता शेरबहादुर कुँवर, माओवादी केन्द्रबाट उपमहासचिव वर्षमान पुन र प्रमुख सचेतक हितराज पाण्डे पनि सहभागी थिए।
बैठकमा समसामयिक राजनीतिक अवस्था र संसदमा जारी अवरोधबारे मुख्य रूपमा छलफल भएको नेताहरूले बताएका छन्1। प्रचण्डले विपक्षी दलहरू सहित सबै पक्षसँग संवाद गरेर संसद अवरोध समाधानका लागि आवश्यक निर्णय लिइने जानकारी दिएका छन्। अध्यक्ष नेपालले संसद खुलाउन मध्यमार्गी उपाय खोज्नुपर्नेमा छलफल केन्द्रित भएको उल्लेख गरेका छन्।
दुवै दलका नेताहरूले संवादमार्फत अवरोध अन्त्य गर्नुपर्ने साझा धारणा बनाउँदै अगाडि बढ्न सहमति जनाएका छन्। यद्यपि कुनै ठोस सहमति सार्वजनिक भएको छैन।
