२५ भदौ, विराटनगर । मोरङ जिल्ला कारागारमा कैदीबन्दी भगाउने प्रयास भएपछि प्रहरीले हवाई फायर गर्नुपरेको छ । कैदी छुटाउन मागसहित एक समूह कारागार पुगेपछि कैदीबन्दीहरूले पनि भाग्ने कोसिस गरेका थिए ।
स्थिति नियन्त्रण गर्न प्रहरीले करिब १५ राउन्ड हवाई फायर गरेको हो । गोली चलेपछि भीड तितरबितर भएको र कारागारको अवस्था नियन्त्रणमा आएको प्रहरीले जनाएको छ ।
घटना भएपछि नेपाली सेनाको टोली समेत कारागारमा परिचालन गरिएको छ । सेनाको उपस्थिति पछि अवस्था सामान्य बनेको जनाइएको छ । मोरङ कारागारमा हाल करिब १ हजार १ सयभन्दा बढी कैदीबन्दी रहेका छन् ।
