काठमाडौं, भदौ ३१ – प्रधानमन्त्री सुशीला कार्कीले भ्रष्टाचार छानबिन गर्न छुट्टै आयोग गठन गर्ने जानकारी दिएकी छन्। उनले भनेकी छन् कि यो आयोगले अनुसन्धान गरेर अर्को सरकारका लागि सहज आधार तयार पार्नेछ।
प्रधानमन्त्री कार्कीले बीबीसी नेपालीसँगको विशेष अन्तर्वार्तामा बताइन्, “कति भ्रष्टाचार भएको छ, अनियमितिता भएको छ भन्ने अनुसन्धान गरेर कारबाहीसम्म पुर्याएपछि मात्रै सरकारले काम गर्न सक्छ। तर हामी बाटो बनाउँदैछौं।”
उनका अनुसार, जेनजी आन्दोलनको दमन जाँचबुझका लागि तीन ससस्यीय आयोग गठन गरिनेछ। आयोगलाई सुरुमा एक महिनाको समय दिइनेछ र यदि आवश्यक परे थप १५ दिन समय उपलब्ध गराइनेछ।
प्रधानमन्त्री कार्कीले उल्लेख गरिन् कि सरकारको कार्यकाल केवल ६ महिनाको भएकाले यो अवधिमा आयोगले अधिकतम काम गर्नुपर्ने छ। मन्त्रिपरिषद्को बैठकले हिजो नै आयोग गठन गर्ने सैद्धान्तिक निर्णय गरिसकेको छ।
यस आयोगले गरिएको अनुसन्धानको रिपोर्ट अर्को सरकारका लागि आधार बन्ने र भ्रष्टाचार तथा अनियमितताप्रति पारदर्शिता बढाउने लक्ष्य राखिएको छ।
