काठमाडौं, भदौ २९ । नेकपा माओवादी केन्द्रका नेता तथा पूर्वमन्त्री सुदन किरातीले अबको परिस्थितिमा पार्टीलाई समयअनुसार रूपान्तरण गर्नुपर्ने आवश्यकता औंल्याएका छन्।
सामाजिक सञ्जालमार्फत आफ्नो धारणा सार्वजनिक गर्दै उनले पार्टीभित्रको पुरानो संरचना र सीमितताबाट बाहिर निस्केर नयाँ विचारलाई आत्मसात् गर्नुपर्ने बताए। उनका अनुसार, प्रश्न उठाउने र उत्तर खोज्ने संस्कृतिलाई प्रोत्साहन गर्न सक्दा मात्र संगठन मजबुत बन्नेछ।
किरातीले विज्ञान र तथ्यमा आधारित राजनीति गर्नुपर्नेमा जोड दिंदै भने, “विज्ञानले प्रश्न गर्छ, भक्तिले भगवान खोज्छ। हामी कुन बाटो रोज्ने भन्नेबारे स्पष्ट हुनुपर्छ।” उनका अनुसार, यही स्पष्टताले पार्टीलाई भविष्यतर्फ अघि बढाउन मद्दत गर्नेछ।
