काठमाडौं, असोज ६ — नेपाली बजारमा सुनको मूल्य फेरि बढ्दै हालसम्मकै उच्च स्तरमा पुगेको छ । नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला रू २ लाख १७ हजार ८०० मा पुगेको छ ।
आइतबारसम्म प्रतितोला रू २ लाख १७ हजार १०० मा कारोबार भइरहेकोमा आज मूल्य ७ सयले वृद्धि भएको हो ।
त्यस्तै, चाँदीको मूल्य पनि बढेर प्रतितोला रू २ हजार ६५० कायम भएको महासंघले जनाएको छ ।
अन्तर्राष्ट्रिय बजारमा पनि सुन महँगिएको छ । आज सुनको मूल्य प्रतिऔंस करिब ३ हजार ६९१ अमेरिकी डलरमा कारोबार भइरहेको छ ।
