काठमाडौं, भदौ ३० — देशभरको जेनजी प्रदर्शनका कारण रोकिएको नेपाल स्टक एक्स्चेन्ज (नेप्से) पर्सि बुधबारदेखि पुनः सञ्चालन हुने भएको छ। नेपाल धितोपत्र बोर्डसँगको परामर्श र समन्वयपछि नेप्सेले बजार खोल्ने निर्णय गरेको हो।
भदौ २४ गते राजधानी काठमाडौंसहितका विभिन्न शहरमा भएको प्रदर्शनका कारण नेप्से एक सातादेखि बन्द रहँदै आएको थियो। प्रारम्भमा नेप्सेले असोज २ गतेसम्म कारोबार रोक्ने सूचना जारी गरेको थियो, तर बोर्डसँगको छलफलपछि पर्सि बुधबारदेखि नै सेयर बजार संचालनमा ल्याउने निर्णय गरियो। बजार सञ्चालनको नयाँ जानकारी नेप्सेले सार्वजनिक गर्नेछ।
