काठमाडौं, भदौ २४ — राष्ट्रिय स्वतन्त्र पार्टी (रास्वपा)की सांसद तोसिमा कार्कीले सोमबार आफ्नो राजीनामा सार्वजनिक गरेकी छिन्। सामाजिक सञ्जाल फेसबुकमार्फत उनले आफ्नो कदमको जानकारी दिएकी हुन्।
कार्कीले लेखेकी छिन् कि भाद्र २४ गते ११:५५ बजेबाट उनी “यो अपराधी र संवेदनाहीन सरकारको कठपुतली बनेको संसदको जिम्मेवारीबाट हट्ने” निर्णयमा पुगेकी छन् र २०७९ को निर्वाचनबाट निर्वाचित सांसदको हैसियत नरहने बताएकी छन्। उनले आफ्नो पोस्टमा जेनजी आन्दोलनसँग समर्थन जनाउँदै “आई एम विथ यु” पनि उल्लेख गरेकी छिन्।
यसअघि पनि रास्वपाकै अर्का सांसद असिम शाहले राजीनामा दिएको खबर आएका थिए। तोसिमा कार्कीको निर्णयले पार्टीभित्रको राजनीतिक दबाब र हालको सरकारविरुद्धको आक्रोश झन् स्पष्ट भएको देखिन्छ।
