काठमाडौं, साउन ११ — लोकप्रिय गायन रियालिटी शो ‘द भ्वाइस किड्स’को चौथो सिजनमा १६ जना प्रतिभाशाली प्रतियोगी सेमिफाइनल चरणमा प्रवेश गरेका छन्। यस सिजनका चारजना कोचहरूले प्रत्येकको टिमबाट ४-४ जना गरी कुल १६ प्रतिस्पर्धीलाई सेमिफाइनलमा छानेका हुन्।
आगामी साता हुने सेमिफाइनल प्रतियोगिताबाट ८ जना फाइनलमा पुग्ने छन्। त्यसपछि फाइनल खेलबाट एक जना विजेताको घोषणा गरिने निर्देशक लक्ष्मण पौड्यालले जानकारी दिएका छन्।
सेमिफाइनलमा पुगेका प्रतियोगीहरूको समूह यस प्रकार छ:
- टीम खेम सेन्चुरी: निर्देशिका अछामी, दिलिजा रुवाली, आदित्य राई, आदर्श धिताल
- टीम मेलिना राई: सोनाली राजभण्डारी, श्रीयान रसाइली, नोरेन लोय क्षेत्री, आयश्री लकान्द्री
- टीम मिलन नेवार: सोनम श्रेष्ठ, निश्चल लिम्बु, आलिया अधिकारी, अैयन राई
- टीम सत्यराज आचार्य: स्मायन बजगाईं, श्रीजय महत, रिदम खड्का, प्रज्वल पौडेल
यो सिजनले नयाँ प्रतिभाहरूलाई मञ्चमा ल्याउँदै दर्शकहरूलाई मनोरञ्जन प्रदान गर्दै छ।
