२९ जेठ, काठमाडौं — अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को नयाँ नेतृत्व चयनका लागि भइरहेको निर्वाचनमा मतदानको समय थप गरिएको छ। कीर्तिपुरमा जारी २४औं राष्ट्रिय सम्मेलन अन्तर्गतको निर्वाचनमा सुरुमा दिउँसो ४ बजेसम्म मतदान हुने भनिए पनि प्रमुख निर्वाचन अधिकृत सेवन्तराज निरौलाले साँझ ७ बजेसम्मका लागि समय थपिएको सूचना सार्वजनिक गरेका छन्।
निर्वाचन प्रक्रिया केही ढिला सुरु भएको कारण समय थप गरिएको हो। उम्मेदवारी हिजो साँझमात्र दर्ता भएको थियो भने उम्मेदवारहरूको अन्तिम नामावली मतदान सुरु हुनु केहीअघि मात्र सार्वजनिक गरिएको थियो।
मतदानका लागि ४५ वटा भेन्डिङ मेसिन प्रयोग गरिएको छ। अध्यक्ष पदका लागि डाक्टर सुजन कडरिया र प्रकाश पौडेलले आ–आफ्ना प्यानलसहित प्रतिस्पर्धा गरिरहेका छन्।
Good post! We will be linking to this particularly great post on our site. Keep up the great writing