काठमाडौँ, साउन २९ – नेपालमा डेंगुको संक्रमण तीव्र रूपमा फैलिरहेको छ। इपिडिमियोलोजी तथा रोग नियन्त्रण महाशाखाका अनुसार हालसम्म देशका ७४ जिल्लामा डेंगुको संक्रमण देखिएको छ। पछिल्लो सातामै १८० जना नयाँ संक्रमित थपिएका छन् भने पछिल्लो २४ घण्टामा मात्रै १० जना संक्रमित पुष्टि भएका छन्।
प्रदेशगत विवरण अनुसार गण्डकी प्रदेश सबैभन्दा बढी प्रभावित छ, जहाँ ८७७ जनामा संक्रमण पुष्टि भएको छ। बागमती प्रदेशमा ६१२ र कोशी प्रदेशमा ५१८ जना संक्रमित भेटिएका छन्। पछिल्लो सातामा सबैभन्दा धेरै ४५ नयाँ केस बागमती प्रदेशमा देखिएका छन्।
गृह मन्त्रालय र स्वास्थ्य निकायले जनतालाई लामखुट्टेको टोकाइबाट बच्न, घर वरिपरी पानी नजम्ने व्यवस्था मिलाउन, मच्छरदानी प्रयोग गर्न र शारीरिक स्वच्छता कायम गर्न सचेत गराउन जारी राखेको छ।
