काठमाडौं, भदौ १२ — कैलालीको खुटिया नदीमा डुबेर बेपत्ता भएका चार किशोरको शव भेटिएको छ।
जिल्ला प्रहरी कार्यालयका प्रवक्ता प्रहरी नायब उपरीक्षक राजकुमार सिंहका अनुसार मृतकहरू १७ वर्षीय सक्षम जोशी, १५ वर्षीय जेव भण्डारी, १७ वर्षीय जादेज भण्डारी र १७ वर्षीय प्रतीक चौधरी हुन्।
उनीहरू गोदावरी नगरपालिका–९ स्थित खुटिया नदीमा दिउँसो करिब २ बजेतिर नुहाउने क्रममा डुबेका थिए। डुब्ने समय उनीहरू ७ जनाको समूहमा थिए। प्रहरीका अनुसार समूहका अन्य तीन जनालाई सकुशल उद्धार गरिएको छ।
प्रहरीले घटनास्थलमा अनुसन्धान सुरु गरेको र नदीमा सुरक्षाका उपायहरू थप गर्ने तयारी भइरहेको जानकारी दिएको छ।
